Original: Ugly Kid Joe - Everything About You
Pfälzer Text: Christian Marquardt
Schää? - Kann man von dir net saache!
Nää! - Des is wahrhaftisch net doi Sach!
Doch ich - bin in Dir gebore - vor Johre,
unn isch bleib do - bis zu moim letschde Daach.
Weil isch - wohn freiwillisch in LU!
Freiwillisch in LU!
Ich schaff - im Werk drauß, hinnerm Hochhaus,
Tor 3 - vun unsre Anilin - in Friesnem.
Unn aaa - wann "Badisch" owwe druff steht,
sinn do bloß - mir echte Pälzer drin.
Weil mir - gehn net uff Mannem,
mir hänn - känn Bock uff Mannem,
mir schaffen freiwillisch in LU!
freiwillisch in LU, freiwillisch in LU, freiwillisch in LU!
Was willscht dann nur in de Quadratestadt,
wu’s Fünftligischde wie de Waldhof hat?
Do hiwwe uff de linke Seit vum Rhoi,
ischs Tor zur Palz: zu Worscht, Weck unn Woi!
Samstags mittags uff die Planke shoppe?
Un vorher drei Stund lang im Stau rum hocke?
Bleib ich doch bei uns in Ludwigshafe,
un kann in Ruh’ durchs Rathaus-Center laafe.
Die Gschäafte sin in jedre Stadt doch gleich,
ob in Frankfort, Mäanz, bei uns odder bei Eich!
Zum Parke hosch Platz, Gebiehre sparsch dezu,
Ihr liewe Leut, kummt doch mol efters noch LU!
Freiwillisch noch LU, freiwillisch noch LU,
Weil mir - gehn net uff Mannem,
mir hänn - känn Bock uff Manneem,
mir - lewen freiwillisch in - LU! Haha
Liedtexte